Diatomiese Au–Au-gebonde spesies: veelsydig en multifunksioneel

Abstract

OpsommingDie ontdekking van die vier diatomiese digoudverbindings, Au2, Au2 + , Au2 2+ en Au2 -, het 'n belangrike nuwe navorsingsgebied in gasfasestudies van swaarder oorgangselemente ingelui.Hoogtepunte uit die daaropvolgende ondersoeke wat in hierdie oorsigartikel krities onder die soeklig kom, sluit in die beskrywing van die elektroniese strukture en bindingseienskappe van die betrokke spesies in die grond-sowel as opgewekte toestand, die eenduidige toekenning van sekere elektroniese oorgange gedurende foto-aktivering en verskeie sienings oor die fisiese bindingsvormingsproses vir diatomiese sisteme.Regium-en waterstofbindingsvorming word ook op 'n fundamentele vlak vergelyk.Baanbrekerstoepassings het reeds uit die gerapporteerde werk voortgevloei en sluit in aktuele, hoogs selektiewe katalitiese prosesse (o.a.CO-oksidasie en metaanaktivering) en die gepaardgaande kompleksvorming met eenvoudige monodentate toeskouer-of deelnemende ligande.Verskeie voorstelle wat belofte inhou vir verdere ondersoek in hierdie dinamiese navorsingsveld word gemaak.